甜品有一種令人感到幸福、開心的神奇魔法，無論開心、失落或者寂寞，食完甜品後心情就會變好。最近在旺角發現新開的Le Dessert Palais，裝修到十足中環高檔甜品店的格局，牆上的雀仔裝飾更喻意自由自在。
店內有8款以心情為主題的甜品。「憤怒」是用朱古力慕絲造出火山造型，中間放入紅桑子啫喱及配上士多啤梨汁，再用乾冰製造出「嬲到出煙」的效果，非常點題！另一道「困惑」以玻璃罩蓋上，上枱時只見厚厚煙霧。打開玻璃罩才聞到陣陣車厘木煙燻的香味，主角則是朱古力吉士及焦糖金寶，旁邊團着的無花果以50-60°C的蜜糖浸過夜，令果皮軟化更易入口。還有近期至Hit的朱古力波，朱古力波入面放有自家製的雲呢拿雪糕、朱古力波下鋪上一層薄薄的紅桑子大菜糕及爆炸糖。
當朱古力波遇上熱情果湯時即時爆開，爆炸糖亦劈啪劈啪地響，真夠「刺激」！最後可以再試「樂觀」，在薄薄的肉桂脆片上放上雲呢拿雪糕，一碰即破的脆片喻意人生所面對的困難都可以輕易衝破。下層則有口感輕滑的焗白朱古力忌廉，混合青蘋果粒同吃，感覺清新。
新聞來源 東網
